Nos Maria Theresia, Dei Gratia Romanorum Imperatrix, Germaniae, Hungariae…

Tibi fideli nostro Egregio Sigismondo Thorotzkai de Thorotzko Szent Gyorgy salutem, et Gratiae nostrae Caesaro-Regiae, ac Principalis incrementum! Gloriosa Magnorum Orbis Principium, pulcherrimam regnandi artem in quotidianis Liberalitatis, et Rebus bene gestis per quinque, et quod excedit, seculorum aetates in chara Nobis Transylvania daruissent (claruissent), et quidem primum ibidem Familiae tuae parentem Eliam Thorotzkai Comitis officio jam tum eminentem in calamitosa illa tartarorum irruptione quam sum Bela quarto ejus nominis Hungariae Rege Annales accidisse commemorant, et Regi, et Patriae ad ignem, ferrumque Barbarorum destinatae fidem, constantiamque abunde comprobasse, dum Arcem in Comitatu Thordensi sitam contra validos immanissimi Hostis assultus fortiter tam diu tutari non desistit, donec accurentium Siculorum armis caesum illum, fugatumque conspexisset.

Accederet denique ad avitum Familiae tuae splendorem id etiam, quod praecipuis in Transylvania Cognationibus innexa suum cum plerisque Magnatum Domibus composuisset sanguinem, et velea etiam ratione potiores inter Familias numerari meruisset, Te proinde Sigismundum Thorotzkai de Thorotzko Szent Gyorgy, Haeredesque et Posteros tuos Divina ex Benedictione e legitimo Thoronascituros, utriusque Sexus universos in infinitum motu proprio ex Caesaro-Regiae, et Principalis Potestatis nostrae Plenitudine in Statum, et Grandum Comitum eveximus, Haereditariique Principatus nostri Transylvaniae, et Regni Hungariae, ac aliorum Regnorum, Ditionum, et provinciarum nostrarum Comites fecimus et creavimus

harum nostrarum in forma Libelli expeditarum, ac Manu nostra subscriptarum, Sigilloque nostri Majoris, et impendentis munimine roboratum vigore, et testimonio literarum mediante. Datum in Archi-Ducali Civitate nostra Vienna Austriae. Die Decima Nona Mensis Septembris, Anno Domini Millesimo Septigentesimo Quinquagesimo Septimo. Regnorum vero Nostrorum Decimo Septimo.

Maria Theresia

II.

Demsus Anno 1702 die 20. Januarii. Continuatur visitatio Demsesini per praefatum reverendum dominum seniorem at adjunctos confratres, Casparum Varadi ministrum ecclesiae Rakosd et Hosdath et reverendum Franciscum Békési ministrum ecclesiae reformatae Hatzsegiensis.

Auditores examinantur de reverendo domino pastore Stephano Tokai.

Commendatur optime cum sua familia de probitate et doctrina.

Reverendus pastor examinatur de suis auditoribus.

Non queritur.

Anno praefato fundatur ecclesia reformata in Demses ab ejusdem loci et circumjacentium locorum spectabilibus, generosis ac nobilibus viris, divino instigante spiritu spontaneo motu ductis, scilicet spectabilus et generosis dominis Basilio Csulai de NagyCsula, Johanne Lukáts et Francisco Lukáts, Isaaco Gregorio, Paulo Bakosnitzai de Demses, Stephano Naláczi juniore de eadem, Johanne Csulai seniore de Csula, Johanne Tornya, Michaele Leheszk, Samuele Szegedi de NagyPestény, Volffgango Perményi de Rekettyefalva, Johanne Pap de NagyOsztro.

1. Est templum valachicum antiquum ex lapidibus ad formam pyramidis in colle aedificatum a praedictorum patronorum majoribus, nunc ex eorumdem patronorum collatione communi, valachis et reformatis patronis commune.

2. Est fundus parochialis infra templum satis amplus, pometis et prunetis refertus, cujus fundi divisi vicinus nobilis Johannes Nagy, ex altera providus Petrus Zaharia, praefati Johannis Nagy jobbagio, ex tertia parte via regia. Antecedenter quidem ex benevolentia praedictorum patronorum, tanquam peculium et haereditarium jus in usum valachici pastoris, ut sui coloni concessus nunc antem ex eorundem praedictorum ipsorum patronorum consensu in duas partes divisus, cujus pars media orientalis sponte eligente pastore valachico concessa est eidem, pars autem occidentalis a via publica collata est in usum pastoris reformati in Demses.

3. Est vinea in lacumine praenominati fundi, cujus vineae locus, quidem haereditario jure pertinebat ad eosdem patronos, valachico autem pastori plantationis labor per spectabilem ac generosum dominum Johannem Lukáts, eidem pastori valachico 30 zlotonibus est recompensatus et in usum reformatae ecclesiae, in usum pastori reformato collato fundus cum vinea.

4. Est campana ad latus templi praenominati a spectabilibus generosis dominis Johanne et Francisco Lukáts ft. 20 empta.

---